GABONAK

DBH 3: EL ÚLTIMO TRABAJO DEL SEÑOR LUNA

Descripción:

Un joven superdotado, aunque muy vulnerable afectivamente, se verá involucrado en un complicado plan de venganza orquestado por un poderoso narcotraficante boliviano de cocaína. Por las calles de Madrid se entrecruzarán las vidas de un asesino a sueldo, una emigrante latinoamericana y un adolescente.

 

Autor/a: César Mallorquí


№ páginas: 248
Editorial: edebé

GRAPHIC DESIGN STUDENTS: My favourite photograph

Euskararen eguneko ikasleen emanaldia

Joan den abenduaren 3an, ikastetxean Euskararen eguna ospatu genuen. DBHko ikasleek, tutoreekin lankidetzan, hainbat lan eskaini zizkiguten (bideoak, antzerki esketxak, dantzak, bertsoak...) eta, guztien artean, emanaldi polita eskaini zuten. Trikitilariak ere ibili ziren bazterrak girotzen. Lan horren erakusle blog honetan jarri ditugu hainbat bideo eta argazki.

Benetan eskerrak eman nahi dizkiegu ikasleekin batera saioa antolatzen aritu ziren tutore eta irakasleei eta trikitilariei.

DBH 3A: EUSKARAZ BIZI NAHI DUT!!!

 

DBH 3B: KANTUZ ESKERTUZ!!

 

DBH 4B: EUSKAL SELEKZIOA

 

LHPP 1go maila: EGUNEROKO EGOERETAN EUSKARAZ!!

EUSKARAREN EGUNA 2012

IRAKURKETA DBH 2: DOSIS LETAL

El guarda de seguridad de los laboratorios Dearing no estaba preparado para hallar el cuerpo frío y sin vida de un joven elegantemente vestido...

Autor/a: Malcom Rose
Editorial: Edebé
№ páginas: 208

IRAKURKETA DBH 1: EL CEMENTERIO DE LOS INGLESES

Autor/a: José Mª Mendiola Insausti

№ páginas: 104

Editorial: Edebé

Tema transversal: Amistad-Amor, E. Moral y Cívica,E. para la Paz, Tradiciones y Culturas

Colección Periscopio

El Cementerio de los Ingleses

Descripción:

Nadie lleva flores al Cementerio de los Ingleses, en la ladera del monte Urgull, en San Sebastián. Pero una tarde de verano, se pudo ver a una muchacha llorando ante un sepulcro. Tras ella se abría el misterio de una leyenda familiar y de un crimen cometido casi ciento cincuenta años atrás...

IRAKURKETA DBH4: ZERUKO ATEETAN DEIKA

Egilea: Jordi Sierra i Fabra                       

Argitaletxea: Giltza

Orrialde kopurua: 288

Gaia: adiskidetasuna, maitasuna, tolerantzia, elkartasuna, ohiturak, kulturak

Silvia, Medikuntza-ikaslea, Indiara joan da boluntario, mundutik urrun dagoen ospitale batean udan lan egitera. Gurasoak eta mutil laguna aurka izan ditu erabaki hori hartzean, baina senari eta bihotzari kasu egin die. Han Leo, Mehendra... ezagutuko ditu eta guztiek batera bere bizitza aldatuko dute.

IRAKURKETA DBH4: MENDAROKO TXOKOLATEA

Idazlea: Iñaki Irasizabal

Argitaletxea: Elkar
Argitalpen urtea: 2005
Orrialde kopurua: 167

Gaia: nobela beltza

Bere jatetxea eta neskarekiko gorabeherak beste kezkarik gabe bizi da Aitor. Halako batean, baina, hildakoak hasiko dira irteten armairutik, eta bera ere zipriztinduko du odolak; kontua nondik nora doan ez badaki ere, erreakzionatu egin beharko du Aitorrek eta egia bilatzen hasi, ikertzailetan jolasteko gogoz ez baizik eta bizirik irauteko sen hutsez. Egiazko euskal izaera eman dio Iñaki Irasizabalek nobela beltz honi, ez bakarrik gertalekuak gure inguruko paisaiak direlako: pertsonaiek ere halako sinesgarritasun bat dute, beren arazo, beldur eta erdipurdikeriekin; horrenbestez, idazkera azkar eta zinematografikoz ondutako kontagai sendo bat lortu du egileak, amaitzean, irakurketaren atseginarekin batera, nolabaiteko gustu gazi-gozoa uzten duena, bizitzarena bezalakoxea.

Ongi etorri 2012-2013 ikasturtera!

                                     

 

Uda ederra igaro eta
gatoz indarberrituta
guztion lanak ta proiektuak
ikusteko osatuta
ikasle eta irakasleon
ilusioak batuta
ekoizpen asko izan daitezen
hiru hizkuntzak uztartuta!

AGUR 2011-2012

Beno, aurten ere iritsi da oporrak hartzeko garaia eta blog honi ere atseden pixka bat emango diogu.

Ikasturtean zehar saiatu gara artikuluak, lanak, audioak eta interesgarria iruditu zaigun hainbat informazio argitaratzen.

Orain, oporrak ondo aprobetxatzea besterik ez zaigu gelditzen.
Dena den, hizkuntzetako taldeak ez dugu amaitu nahi aholku bat eman gabe:

Aukeratu liburu onen bat eta irakurri euskaraz, gazteleraz eta ingelesez.

Besterik ez! Hurrengo ikasturtean ikusiko dugu berriro elkar.

Arantzazu, Nekane, Iñaki, Mila, Eba

EUSKAL KANTAK

Ikasturte honen hasieran 4. DBHko ikasleek zenbait EUSKAL KANTA landu zituzten eta argazkiak eta letrak uztartuz lan egin zuten. Hemen dituzue lanik onenak ikusgarri. Gustuko izatea espero dugu.

ALDIZKARI DIGITALAK

Ikasturte amaieran 4. DBHko ikasleek gainerako taldeentzat antolatu zituzten tailerretako bat ALDIZKARI DIGITALAK sortzearena izan zen.

Ordu eta erdiko tartean, talde bakoitzak ikasturtean zehar izandako ekintzak bildu eta artikulutxoak idatzi behar zituzten.
Tailer honen antolatzaileak honakoak izan ziren:

MIKEL ALONSO (DBH 4Ako ikaslea)
ESTHER ORBEGOZO (DBH 4Ako ikaslea)
JON ETXEBERRIA (DBH 4Ako ikaslea)
JULEN ISASA (DBH 4Ako ikaslea)
IRATZ INTZIARTE (irakaslea)
EBA ETXARRI (irakaslea)

Aukeraketa egin ondoren, hona hemen maila bakoitzetik aukeratu dugun aldizkaria:

Tailerrak 11-12 (HLPPko ikasleen aldizkaria)

Publish at Calameo or read more publications.

BAZETORREK!   pelikularen estreinaldia

Añadir leyenda

Aurten ere ikastetxeko DBHko 3.mailakoek urteroko legez antzezlan batzuk sortu dituzte: 3A gelakoek zuzeneko emanaldia eta 3Bkoek berriz grabaketa. Ebaluaketa guztia lan horretan aritu ondoren orain emaitzak ikusteko garaia iritsi da.3Akoen zuzeneko emanaldia ikustea ezinezkoa izango da aktore-aktoresa batzuen bajak direla eta, baina 3Bkoen grabaketa posible izango da. Estreinaldia, ekainaren 22an goizeko 8:00etan ikastetxeko antzokian  izango da, beraz guztiak gonbidatuta zaudete!

IKASLEAK BERTSOTAN!!!

ZORIONAK IDOIA!!!

Joan den astean ezagutu genituen 2012. urteko ANTIA IDAZLAN LEHIAKETAn sarituta gertatu zirenen izenak eta IDOIA GORROÑO 4. DBHko ikasleak irabazi du Gazteen Kategoriako 2. saria.

Ez da idazlan lehiaketa batean Idoiak saria lortzen duen 1go aldia; dagoeneko jaso ditu beste hainbat ere, tartean, iazko 1go saria lehiaketa honetan bertan.

Ikastetxeko kide guztien izenean ZORIONIK BEROENAK helarazi nahi dizkiogu eta hasierako idazlan eta sari hauek ibilbide oparo baten abiapuntu izan daitezela opa diogu.

Bere aurtengo idazlan saritua irakurri nahi izanez gero sakatu izenburuaren gainean.

SUZKO ITZALPEKOAK (Idoia Gorroño / ANTIA 2012 / 2. saria)

IRAKURKETA:PROHIBIDO TENER 14 AÑOS

Aste Santuko oporretatik bueltan etortzen garenean 1go DBHkoek Prohibido tener 14 años liburua irakurriko duzue. Bertan zuen adineko neska-mutilei gertatzen zaizkien arazoak kontatzen dira eta zuen gustokoa izatea espero dugu.

IRAKURKETA:DONDE ESTÉ MI CORAZÓN

Martxoan zehar DBH 2koek Jordi Sierra i Fabraren Donde esté mi corazón liburua irakurriko dute.Bertan, neska bati gertatzen zaion istorio hunkigarri bat kontatzen da eta gustora irakurriko dutelakoan gaude.

IRAKURKETA: ISPILU VENEZIARRAK

Martxoa eta apirilean zehar 4. DBHko ikasleek Joan Manuel Gisbertek idatzitako ISPILU VENEZIARRAK liburua irakurriko dute.
Istorio misteriotsu bezain ziraragarri batean murgiltzeko aukera eskaintzen du liburuak eta espero gabeko amaiera.
Denon gustukoa izatea espero dugu eta amaieran irakurleen iritziak ere bai.

ADUR LARREAREN BISITALDIA

Gaur goizean, ikastetxean Adur Larrearen bisitaldia izango dugu. Aurreko ikasturtean ere gure artean izan genuen eta ikasleek oso esperientzia ona izan zuten.

DBH ko 3.mailakoek izango dute Adur ezagutzeko aukera eta bertan, SMSak euskaraz nola idazten diren azalduko die. Hitzaldiaren ondoren, ikasleek lehiaketa batean parte hartzeko aukera izango dute.

Baina nor da Adur Larrea? Berari buruz gehiago jakin nahi baduzue sakatu HEMEN

INAUTERIAK EUSKAL HERRIAN

Inauteriak badatoz eta dagoeneko somatzen da giroa, mozorro usaina... baina ba al dakizu zein den hauen jatorria?

Inauteriak Euskal Herrian neguko janari erreserbak Aste Santuaren aurreko baraua baino lehen jateko (bereziki haragia eta arrautzak) beharrari lotuta daude. Iñauteri, Inauteri, Aratuzte... izan da deitua Inauteria. Zanpantzar ere esan izan zaio.Inauteriek abendutik martxoa arte egiten diren festa ugari hartzen dituzte. Hausterre egunean (Miercoles de Ceniza) izaten dute amaiera, eta hurrengo egunean hasten da ofizialki baraua. Hainbat lekutan hurrengo larunbata ere erabiltzen da inauterietarako, adibidez Algorta eta Altsasun, eta igandea erabiltzen da Bilboko Santutxu auzoan. Zubieta eta Iturenen urtarrileko azkeneko igandearen osteko lehen astelehen eta asteartean izaten dira (Astelehenean Zubietatik Iturenera eta asteartean alderantziz).

Jatorria

Inauteri, ihauteri eta iyote bezalako ahotsak gehiagotan erabiltzen dira. Inauteri hitzak "inausi" aditzarekin harremana omen dauka, arbolak inauteko garaiarekin, alegia. Euskal Herrian zaratarekin ere Lurra esnatzeko deia zegoela uste da eta horregatik ereite jai batekin harremana du da askotan. Honen adibideak ikusi ahal dira Sakanako inauterietan (Olaztin simaurra botatzen da gurdi batetik, Altsasuko momorrotxoek goldea erabiltzen dute lurra esnatzeko) eta Ituren eta Zubietako joaldunekin (zanpantzarrak), non zarata erritmikoan duen garrantzia. Hainbat herritan, batez ere Araban Porretero izeneko pertsonaia epaitu egiten da, kasu batzuetan putreek jan dezaten eta beste batzuetan errekara botatzen da.

Euskal inauterietako pertsonaiak

Jaiak

Euskal Herrian, esan bezala, Inauteriek tradizio luzea zuten. Hala ere Hego Euskal Herrian Francoren diktaduran zehar jai hauek debekatu eta asko galzorian egon ziren. Nafarroan gehienek jarraipena izan zuten garai hartan Udaberri jai moduan. Gipuzkoan Tolosakoek ere jarraipena izan zuten eta oraindik ere garrantzi berezia dute; inauteri erabat hiritarrak dira. Inauterietako garai arruntaz gain Ituren eta Zubietako inauteriak diren egun beretsuetan (Otsailaren 2a, Kandelaria) inude eta artzainen konpartsa ateratzen da Donostian. Antzuolan mantendu da sorgin dantza izeneko dantza, non mutilak neskaz mozorrotzen diren. Zuberoan Maskaradak izaten dira garai honetan. Maskarada bi ataletan banatuta dago, beltza eta gorria. Bigarrena guztiz ordenatua da eta dantzari finek hartzen dute parte. Lehenengoa zikina eta baldarra da.

• Inauterien inguruan gehiago jakiteko sakatu HEMEN
• Inauterietako diana: bideoa ikusi eta entzuteko sakatu HEMEN
• Tolosako inauteriak (igandeko diana): bideoa ikusteko sakatu HEMEN
• Preshkuarena (Tolosako inauteriak): entzun eta bideoa ikusteko sakatu HEMEN
• Tolosako kaldereroak: kanta entzun eta bideoa ikusteko sakatu HEMEN

Inauterietan zertaz mozorrotu zaren jakin nahiko genuke, ezer berezirik egin duzun, nola pasa duzun.... Bota zure erantzuna, zure asmoa, nahi duzuna, eskertuko dizugu eta.

Gaur, ostiral mehe, izan dira ikastetxera mozorroturik etorri diren ikasleak; hona hemen horietako batzuk.

AGATE DEUNA edo SANTA AGEDA

Euskal Herriko hainbat txokotan ohitura errotua da Santa Ageda egunez (otsailaren 5ean) edo bezperan kopla kantari eskean irtetea.

Hirietan zein nekazal guneetan itxura arrunt ezberdina du usadioak; jaiaren muina berdintsua da, ordea, toki guztietan.

Makila luzeak esku artean, iraganetik jasotako kopla zaharrak ezpainetan eta eskean jarduteko hitz dotoreak airean... Santa Ageda bezpera.
 Bizkaiako, Gipuzkoako, Lapurdiko eta Nafarroako nekazal giro euskaldunetan, ohitura zaharra da etxez etxe kantari ibiltzea. Eta oso errotuta dago kantatu ostean eskean egitea ere. Dirua eskatzen da batzuetan, edo eta barrena asetzeko janaria eta edaria beste askotan.
Euskalduntasuna baserri girotik haratago eramateko irrikak hirigune urbano eta modernoetara ere eraman du azken urteotan usadio hori. Kasu guztietan xumea da, hala ere, jaiaren izaera. Kopla zaharrak kantatzen dituen abesbatza —lurraren kontra darabiltza kolpeka makila handiak —, bertsoak inprobisatzen dituen bertsolaria eta musikari bat edo bi. Besterik ez da behar Santa Ageda bezperako legea konplitzeko.

Kopla kantari

«Santa Ageda bezpera degu Euskal Herriko eguna, etxe guztiak kantuz pozteko aukeratua duguna...». Toki bakoitzeko aldaerak aldaera kopla horrexekin bertaratzen dira aterik ate Santa eskean ari direnak.

Etnologoen arabera nekazari giroko negu gordinetan sorturiko ospakizuna da Santa Ageda bezperakoa, eta zenbaitzuk inauteriekin lotzen du- te. Makila handien hotsak zein Santa Agedaren ohorez egiten diren eta egin izan ohi diren hainbat ospakizunek, mundu ikuskera berezkoaren aztarnak gordetzen dituztela diote.

Etnologo batzuek gogora ekarri dutenez, esaterako, garai batean halako egunez Nafarroako hainbat tokitan tximiniak garbitu ohi zituzten. Nafarroako beste zenbait udalerritan, berriz, ohikoa zen zenbait herritarrek —emakume zein gizonezkoek— elizako kanpaiak jotzea.

Martiri sufritua

Hala ere, itxura batean nekez argi daiteke zergatik den Santa Ageda —«Agate deuna» hainbat koplatan— hain garrantzitsua Euskal Herrian. Izan ere, urruti jaio zen: Sizilian, 230. urtean. Kondairaren arabera kristau sutsua izaki, nahiago izan zuen martiri bihurtu, gizon fedegabe baten ezkontza proposamenari baiezkoa ematea baino. Diotenez, sufrimenduz beteriko amaiera izan zuen, bularrak moztu baitzizkioten.
Kantatzen diren kopletan haren azken arnasaren atariko torturak gordin-gordin kontatzen dira. «Lendabizi azotatu ta kendu zizkaten bularrak...», «Istanpatian estalizion gorputz guztia odolak»... Ohikoak izaten dira horrelako koplak, bai eta santuarekin zerikusirik izan gabe, herriko gorabeheren berri ematen dutenak zein eskea egitera mugatzen direnak ere.

Etnologo zenbaitzuk diotenez, koplak kantatzetik haratagokoak izan dira Euskal Herrian Santa Agedaren inguruan sortu diren hainbat sinesmen. Hala, garai batean nekazari girotan Agate Deuna mundura umeak ekarri berri zituzten emakumeen zaindaria izaten zela diote, eta ume jaio berriari esnerik eman ezin zioten amek santa horri eskatzen ziotela laguntza.

Garai bateko gizartearen ondare ia desagertua dira kontu horiek.

Etnologoen aztergaia. Koplak kalean daude oraindik ere, ordea, bizirik.
(http://www.ikasbil.net/jetspeed/portal/media-type/html/language/eu/country/null/user/anon/page/materialdidacticodetalle?gid=27254) Moldatua

Zorion, etxe hontako denoi!

1 Zorion etxe hontako denoi! Oles egitera gatoz, aterik ate ohitura zaharra aurten berritzeko asmoz. Ez gaude oso aberats diruz, ezta ere oinetakoz. Baina eztarriz sano gabiltza, ta kanta nahi degu gogoz. 3 Siziliako uharte ederrak emana digu lorea. Han jaio baitzan gure Ageda, zorioneko gaztea. Txikitatikan gogoz hartu zun Jesukristoren legea. Maitasun honek ekarri zion bihotzeko poz betea. 5 Agedak bere maite bakarra Jesus aukeratu zuan. Horregatikan beste maiterik ez zan harentzat munduan. Kintzianoren eske guztiak arrez baztertu zituan. Baina agintarik gaizto harek kristautzat salatu zuan. 7 Amorru biziz oinutsik jarri dute Ageda zintzoa, txingar gorien gainean gero ibilarazi gaixoa. Ondoren, bular bat ebakita, uzten dute urratua. Baina Jainkuak bihurtu zion gau hartan bular mindua. 9 Mendi tontorrak elurrez zuri, atai aldean laiotza. Etxe hontako nagusi jaunak, urrezkoa du bihotza. Santa Agedak kendu digu gaur eskean hasteko lotsa, dirurik ez bada, berdin zaigu gizendutako bildotsa.

2 Santa Ageda bezpera degu Euskal Herriko eguna, etxe guztiak kantuz pozteko aukeratu deguna. Santa maitea gaur hartu degu gure bideko laguna. Haren laguntzaz bete gentzake egun hontako jarduna. 4 Edertasunez jaunak apaindu zuan Ageda gaztetan. Haren begiak izar bi ziran, aurpegi gozo haretan. Gizon gaiztoen grina zitalak esna zitzakeen benetan. Laster izutu zen Kintziano Agedaren ederretan. 6 Emakume gaizto baten mende, sartu zuten giltzapean, Agedaren bihotz garbi hura zikin ote zezakean. Alperrik baina ahalegindu zen andre lizuna lanean. Honek esanak ez ziran sartu Agedaren bihotzean. 8 Alperrik gizon gaiztoak zuten oinazez erdi hilik utzi. Jesukristoren maitasun hartan ez zuna inola etsi. Otoi gozotan gogoa isuriz mundu hontatik ihesi, zeruetako zori ederra betiko zun irabazi. 10 Zelai erdian loreak argi, larros, krabelin ta lili. Etxe hontako etxekoandreak Ama Birjina dirudi. Etxe hontako urdaiazpiko asko, kakotik zintzilik, ta lukainka gorriak ugari poltsa betetzeko guri.

Aintzaldun daigun Agate Deuna

1 Aintzaldun daigun Agate Deuna bihar da ba Deun Agate etxe honetan zorion hutsa betiko euko al dabe. 2 Santa Ageda bezpera dugu Euskal Herriko eguna etxe guztiak kantuz pozteko aukeratua duguna. 3 Urnietatik etorri gara taldean neska-mutilak Santa Ageda omenez hartuta soinuaz eta makilaz. Bat, bi, hiru... Eup!!

GABONETAKO IDAZLAN LEHIAKETAN SARITUTAKO LANAK

ZORIONIK BEROENAK IRABAZLEEI!!! Animo eta jarraitu idazten!!!
Aurten saritutako lanak ikusi, irakurri nahiz zure komentaketak egiteko sakatu izenburuaren gainean.

OLENTZEROREKIN 2011

DBH 1-2

• 1go saria: GABON HAUTSAK (Maider Iriberri / DBH 2B)
• 2. saria: OLENTZEROREN LEHEN OPARI BANAKETA (Andoni Rekondo / DBH 1)

DBH 3-4

• 1go saria: MISTERIOAREN AIREAN (Idoia Gorroño / DBH 4A)

SAN SEBASTIAN EGUNA danbor hotsen artean!!!

Donostiarrek eta azpeitiarrek  gehien sentitzen duten eguna da. Hiriak 24 orduz eraldatzen dira, Sarriegi maisuaren musikapean danborrek eta upelek arrada egiten dutenean, bi hiri hauen historia jai-giroan eta modu koloretsuan gogoratzean. Donostian Konstituzio Plazan bandera igotzea eta jaistea dira donostiarrentzat une zirraragarrienetako bi. Merezi du hiriko kaleetan danborradetako bati jarraitzeak.

Donostiako Danborradaren Historia

Ez dakigu zehatz-mehatz noiz eta nola hasi zen Danborrada. Donostian zeunden hiru iturrietan euren txandaren zain zeuden bitartean, zerbitzariek eta euren laguntzaileek, langileek eta soldaduek sortzen zuten arradari egozten diote zenbaitek. Hala ere, hainbat daturen arabera 1836. urtean sortu zen Donostiako inauterietako konpartsa moduan, eta orduz geroztik tradizio gisa hartu zuten patroia ospatzea Donostiako kaleetan barrena ibiliz. Garai hartan Santesteban maisuaren zortziko martxa jotzen zuten, 1860. urtean Raimundo Sarriegik San Sebastian Martxa idatzi zuen arte.

Danborradako lehen partaideak egunsentian irteten ziren La Fraternal elkartetik eta kaleetan barrena ibitzen ziren goizeko 8ak arte. Ordu horretan Iñigo eta Narrika kaleen artean gelditzen ziren sokamuturra ikusteko.

La Fraternalen lekua Union Artesana Elkarteak hartu zuen. Ondoren, Euskal-Billeraren danborrada sortu zen eta beranduago danborrada gehiago antolatu zituzten Donostiako auzoetan.

Hasieran, partaideak mozorrotu egiten ziren arren, beranduago uniformeak janzten hasi ziren. Erabilitako lehen uniformeak Independentzia Gerran parte hartu zuten Gipuzkoako batailoienak kopiatzen zituzten, eta frantses estiloko jantzi militarrak ziren. Danborradan parte hartzen zutenen kopurua handitu zen neurrian, konpainia berriak bestelako uniformeekin hasi ziren jotzen.

Azken urteetan, hainbeste konpainia berri daudenez, uniformeak beste armada eta garaiak kontuan hartuta aukeratzen hasi behar izan dute. Dena den, kopiatzeko leialtasuna mantentzen da eta jantziak egiteko erabilitako materialen kalitatea hobetu da. Era berean, azpimarratu behar da sukaldariaren jantzi tradizionala ere erabiltzen dela.

Haur-danborradari dagokionean, Euskal Billerak (Mauricio Etxaniz) bultzatuta, 1927ko urtarrilaren 20an irten zen Donostiako kaleetan barrena haurrez osatutako lehen danborrada. Lortutako arrakastaren ondorioz ondorengo urteetan desfilatzen jarraitu zuen, antolakuntza-arazoen ondorioz 1960. urtean hiriko hainbat ikastetxetako haurren parte-hartzearen bitartez indartu behar izan zuten arte. 1961. urtean, Kultur eta Turismo Ekintzetxearen eskutik, 9 ikastetxek Euskal Bileraren Haur Danborradaren lekukoa hartu zuten, eta elkartearekin batera gaur egun ezagutzen dugun Haur Danborradaren lehen desfilea egin zuten: Igeldoko Zalditxoak, Euskal Billera, Marianistak, Bihotz Sakratua – Mundaiz, La Salle, San Ignazio Ikastetxea – Jesuitak, Eskola Frantsesak, Okendo Almirantearen eta Victoria Erregina Babes Etxearen ikastetxeak eta Real Sociedad Hípica.

Azpeitiko danborrada

Donostiako haur danborrada

Gaur egun 52 konpainia inguruk hartzen dute parte urtero urtarrilaren 20an hiriguneko kaleetan barrena egiten den desfilean.

Donostia iluntzean

San Sebastian martxaren doinuak Raimundo Sarriegik konposatu zituen. Hona hemen doinu horiek entzuteko aukera:

• Diana
• Iriyarena
• San Sebastian Martxa
• Polka
• Retreta
• Tatiago

http://www.donostiakultura.com/index.php?option=com_flexicontent&view=items&cid=48&id=1082&Itemid=233&lang=eu